ليه الوردا الحمرا رمز للحب والوفاء

كاااااااااااااان يا ماااااااااااا كاااااااااااااااان فى مكان وزمان

قرية جميلة هادية قرر اهل القرية ف يوم اقامة حفلة يتجمع فيها كل اهل القرية

وفى ليلة من ليالى الخريف اقام اهل القرية حفل بسيط ضم كل اهل القرية

وكان ف القرية شاب صغير بيهوى بنوتة جميلة ومن سنة لسنة كان حب البنت

بيملك قلب الشاب وفى الحفلة اتجرا الشاب واتقدم يطلب من البنوتة انها ترقص معاه

لكن البنت رفضت واملت على الشاب شرط علشان تقبل ترقص معاه

وكااااااااااان الشرط انه يهديها وردة حمرا، الشرط كان اصعب من اصعب ما يكون

لان الوقت كان خريف ومافيش اى زهور حمرا بالمرة

الشاب خرج من الحفلة

يدور على وردة حمرا لكن للاسف مافيش، حزن الشاب وبدت دموعه تنزل .. وكان

للشاب الصغير صديق ،الصديق كان عصفور رقيق مخلص محب لصديقه الشاب

ولما سمع العصفور حكاية الوردة وعد صديقه الشاب انه هايطير فى

كل مكان ويلاقى وردة حمرا ..طار العصفور .. وطار وطار فى كل مكان

لكن !الوقت كان خريف مافيش اى زهور حمرا وقف العصفور حزين على

فرع شجرة خالى من الاوراق .. حزين العصفور وخايف ما يقدرش يوفى

بوعده لصديقه .. وحزنه بيزيد بمرور الدقايق وخوفه على سعادة صديقه

كمان بيزيد ..الشجرة التفتت للعصفور الحزين وسالته عن سبب همه ولما

عرفت بموضوع الوردة الحمرا قالتله ان الحل عندها ..بس الحل صعب شوية

العصفور لم يتردد فى انه يوافق حتى قبل ما يعرف صعوبة الحل

الشجرة قالتله اسحب منى فرع جاف واجرح بيه نفسك ولون اى وردة

من الموجودين بلون دمك الاحمر .. وقتها تبقى وردة حمرا .. العصفور

بسرعة نفذ نصيحة الشجرة وفعلا جرح نفسه جرح عميق ولون زهرة

كانت بيضا بلون دمه الاحمر .. وطار العصفور بالوردة الحمرا وبجرحه

لصديقه اللى اخد الزهرة وكله سعادة وراح لحبيبته علشان يقدمها ليها ..البنت

فرحت جدا واخدت الزهرة ورقصت مع الشاب وعاشوا ليلة جميلة من احلى

الليالى .. وكانت اول ليلة وبعدها كانت كل ايامهم ولياليهم حب ..

لكن الشاب نسى حتى يشكر العصفور اللى مات من شدة جرحه

لكن مات سعيد لانه وفى بعهد الصديق ..

وكان سبب فى قصة الحب اللى ملت القرية بالعطر والسحر ..

ودى الاسطورة اللى منها كانت الوردة الحمرا رمز للحب والوفاء

منقول

أول تاج فى حياتى

أولا : أذكر عشرة أشياء عن نفسك.

ثانيا : اختار خمس أشخاص تهدي لهم التاج.

ثالثا : لا تهدي التاج لمن اهداه اليك .

رابعا : عرف اللي بعتلك التاج إنك نزلته عندك.

في البداية أحب اشكر الإنسانة الجميلة اللي أهدت ليا التاج ده

وأحييها علي شخصيتها الجميلة وأتمني لها كل توفيق

ونجاح دائم بإذن الله تعالي .

علي فكره صعب قوي ان الانسان يتكلم عن نفسه لأنه غالبا مش هيقدر يقيم نفسه صح لأنه اما هيركز قوي علي صفاته الحلوه وفي الحاله دي ممكن يتقال عليه مغرور،وإماهيظلم نفسه ويذكر صفات وحشه ممكن حتي متكونش عنده عشان محدش يتهمه الاتهام الظالم ده،أو ممكن يكون هو فعلا مش عارف صفاته الحلوه أو عيوبه ومحتاج حد ينبهه للعيوب دي وهنا ييجي دور الصديق المخلص،

علعموم أنا هحاول الإجابه بكل صراحة وحياديه ووضوح علي التاج ده واترك لحضراتكم التعليق علي الكلام،أو بمعني أصح تقولوا رأيكو انتوا في الشخصية،وانا متأكد ان احنا كلنا متفقين ان مفيش انسان خالي من العيوب

أولا : عشرة أشياء عن نفسي

1-بكون في أسعد حالاتي وفي أتم الرضا عن نفسي وعن العالم كله إذا كنت قريب من ربنا سبحانه وتعالي ومنتظم في قراءة القرآن الكريم يوميا.

2-أكتر حاجه بخاف عليها ومنها في حياتي زعل أمي مني،أو حتي انها متكونش راضيه عني ولو ثانيه واحده،وربنا يخليهالي يارب.

3-ممكن اعتبر نفسي صديق مخلص جدا بحب أصدقائي لدرجة اني ممكن أفضلهم علي نفسي ساعات،وعلي فكره أصدقائي قليلين جدا.

4-أنا أعترف ان انا احيانا بكون غلس شويه مع اخواتي، بحكم ان انا الأخ الاكبر ليهم يمكن دا بيصنع مني دكتاتور في بعض الاحيان بس برجع ازعل تاني من نفسي واصالحهم بسرعة وهما عمرهم مابيزعلوا مني عشان عارفين ان هما اغلي حاجه عندي في الدنيا دي كلها0

5-واحده من عيوبي اللي مزعلاني قوي وبتزعل الناس اللي ميعرفونيش مني هي عدم الحفاظ علي المواعيد بس انا بحاول جاهدا بقالي فتره اكون ملتزم في مواعيدي مع الناس اللي تعرفني كويس أو متعرفنيش0

6-أعتقد ان انا انسان رومانسي جدا وحساس جدا بدرجة كبيره قوي وفيه جوا قلبي حب يكفي الدنيا كلها ومش ببخل بالحب ده علي اي انسان،بس كل الحب ده بعتبره نقطة في بحر من الحب اللي انا موفره للإنسانه اللي أنا هرتبط بيها وهتكون

خطيبتي وزوجتي ان شاء الله0

7-بحب عائلتي جدا وبعتبر نفسي محظوظ لكوني واحد من العائلة دي واسعد اوقاتي بقضيها وانا بزور أي أسره فيها لدرجة إن أنا بعتبر كل واحد في العيله واحد من أسرتي0

8-بكون عارف حاجات كتير قوي صح المفروض تتعمل ومش بعملها كلها،وعارف حاجات غلط والمفروض انها متتعملش وبرضه احيانا بعملها ،بس في الحالتين بكون زعلان قوي من نفسي وبحس بتأنيب ضمير جامد جدا0

9-أنا واحد من الناس الطموحين جدا،عندي طموح ورغبة في النجاح ملهاش حدود واتمني اكون أنجح انسان في العالم،بس بشرط أحس إن نجاحي ده كل المحيطين بيا مستفيدين بيه،يعني بشكل أو بآخر ماكونش أناني0

10-بعتبر نفسي إنسان متفائل جدا،مهما كانت الظروف اللي حواليا صعبه بحاول أتغلب عليها واشوف الجانب الجميل في أي شئ ظاهره مش جميل،بس في نفس ذات الوقت بكون عصبي جدا احيانا ،بس غالبا العصبيه دي وعدم التصرف بحكمة في الأمور بيكون في أشياء ومواضيع غير مصيريه في حياتي ودي واحدة من مليون حاجه أنا بشكر ربنا عليها0

وأنا علي فكره قبل ماانسي،بهدي التاج ده برضه لأول خمس ملايكة يعلقوا عندي علي البوست ده0

فزورة مش عاوز حد يحلها ... أرجوكم

استدعى الاب ابنه لغرفته و ما إن رأه امامه الا وبادر بتوجيه

هذا السؤال

الأب : هتعرف يابنى تحافظ على الثروه اللى هتورثها من بعدى؟

الإبن : طبعا يا ابا تربيتك

الأب : يعنى هتعرف تربى الكتاكيت زى ما انا ربيتهم؟

الإبن : ( باندفاع وحماسه الشباب ) اكيد يا ابا

الأب : طيب هات الكرتونه اللى فيها الكتاكيت دى

فسارع الإبن باحضار الكرتونة ووقف أمام أبيه

الأب : اقلب الكرتونه على الارض وورينى ازاى هتقدر تلم فيها الكتاكيت تاني

وبسرعة قلب الابن الكرتونه وما ان رفعها حتى انطلقت الكتاكيت فى

أرجاء الغرفه واندفع الابن خلفها يحاول جمعها مره اخرى ولكن هيهات ،

وبعد أن أدرك الفشل وقف أمام أبيه وقد ارتسمت على وجهه البلاهة والغباء

ولم يوقظه الا صفعة قوية من أبيه

الأب : شوف يا غبى اللى هاوريهولك

ده خلاصه 26 سنه فى تربيه الكتاكيت (يعنى من سنه1981)

ثم اخذ الأب الكرتونه بعد ان جمعا فيها الكتاكيت أخذ يهزها بقوة يمينا ويسارا

وسط صراخ متواصل من الكتاكيت ما لبس ان تلاشى وانقطع نتيجه ما أصابها من إعياء

الأب : الان فقط نقلب الكرتونه وما ان رفعها الا وشاهد الإبن الكتاكيت لا تحرك ساكنا

مما اصابها من اعياء ودوار ثم قام بتعبئتها فى الكرتونه بمنتهى السهوله واليسر

الأب : دلوقتى يا ابنى اتعلمت اهم حاجه فى تربيه الكتاكيت وهى

( إتعبهم يريحوك، إنفخهم يريحوك أكتر، لكن لو ريحتهم هيتعبوك )

لو عرفت ،

مين هو الاب ؟

ومين هو الابن ؟

ومين هما الكتاكيت ؟

أدخل عشتك وخليها فى سرك

ثق بنفسك

كل شيء يبدأ بثقتك في نفسك

إن لم تثق في نفسك ، فمن سيفعل ذلك؟

إن لم تثق في نفسك ، فأي دعم لك من أي إنسان لن

يغير من الأمر شيئاً .

ثق أن فكرتك فكرة جيدة .

ثق أن مشاعرك حقيقية .

ثق أن حكمك صائباً .

ثق أن تحقيق أي حلم من أحلامك يبدأ بثقتك في نفسك .

ثق أن ما يجعلك سعيداً يسعدك فعلاً .

إن الحياة لا يفترض أن تكون نقاشاً معقداً وطويلاً حول

معناها ومدى توافقك مع نظام الأشياء .

إنك نظام الأشياء .

إنك الحياة .

إن شكوكك في قدراتك تنقلك بعيدً عن ذاتك .

إن ثقتك بنفسك لا تعني أنك سوف تكون دائماً على حق ،

إنها فقط تسمح لك بأن تتغلب على شكوكك ، تسمح لك بأن تصحح أخطاءك .

إن ثقتك بنفسك لا تعني أنك مثالي ،

ولكن تعني أنك على استعداد كامل لأن تكون إنساناً .

إن كل الخير الذي تنويه يحتاج ثقتك كي تشحذه وتجعله يحدث .

فبدون الثقة تتلاشى أحلامك ويموت الأمل ذاته عما قريب.

إنك تستطيع أن تشك في أي شيء تريده عدا أن تشك في نفسك ،

ولكن في هذه اللحظة كن على ثقة بنفسك وأملأ حياتك بالأمل والحب والتفاؤل ،

والثقة في الله سبحانه وتعالي.