الخميس، يونيو 05، 2008

عيون ساهرة !!!


القاهرة نائمة ، كل شئ في المدينة أغمض عينيه ، فوانيس الإضاءة بقيت وحدها ساهرة لاتغمض عيونها ، الشمس لاتزال تتثاءب في خدرها وراء السحب،وتتغطي بغطاء أسود فيه نقط بيضاء يسمونها النجوم ، أغصان الشجر تنثني عارية من الأوراق كأنها جوار عاريات يرقصن علي موسيقي النسيم ، رذاذ من الماء يتساقط من السماء كأنها دموع العاشقين تبكي لحظة وداع الليل حارس المحبين وحامي العشاق.
...................................
الساعة تقترب من الرابعة صباحاً.الساعة التي تموت فيها القاهرة كل ليلة،ثم بعد ذلك يلمس شفتيها أول شعاع من الشمس فتبعث إلي الحياة من جديد.

ودق جرس التليفون برنين متواصل مزعج وتآمر الليل والهدوء والظلام علي أن يجعل صوت الرنين يبدو مزعجاً كالصراخ ،
واستيقظ محمد علي صوت الرنين المخيف،ومد يده بتثاقل يتحسس آلة التليفون الموجوده فوق مائدة إلي جوار فراشه، وضلت يده في الظلام مكان التليفون فسقط علي الأرض .. وانفصلت عنه سماعة التليفون وسمع صوت رجل ملهوف يتكلم بنبرة ضائعة مخنوقه، ولم يفهم مايقول الصوت ، فقد كانت السماعة لاتزال ملقاه علي الأرض ، وأضاء محمد النور الكهربائي، والتقط سماعة التليفون التي كان ينبعث منها صوت يشبه الانين.
وضع محمد السماعة علي أذنه وسمع صوتاً يقول له بلا تحية ولا مقدمات..

لقد جاءت منذ قليل قوة من الشرطه وقاموا باعتقال والدي وأخذوه معهم إلي أمن الدولة..ولا أدري ماذا أفعل،فاتصلت لأخبرك.

كان هذا صوت كمال الصديق المقرب جداً من محمد حيث كانوا جنباً إلي جنب طوال حياتهم منذ أيام الصبا وحتي هذه اللحظه،تخرجوا معاً من نفس الكلية ، حتي كانوا سوياً في رحلة البحث عن عمل بعد حصولهم علي البكالوريوس بتقدير جيد جداً....

ولكن مافائدة الشهادات في بلد ليس فيه حريات ؟ علي رأي المثل اللي بيقول :

الناس خيبتها السبت والحد ... واحنا خيبتنا ماوردت علي حد !!!!

سأل محمد صديقه كمال عن السر وراء اعتقال أبيه. فقال له أن ذلك بسبب وقفة احتجاج سلمية قام بها والده وزملاؤه في المصنع الذي يعمل به ،للمطالبة بحقوقهم والإعتراض علي الإرتفاع الجنوني للأسعار ، ومطالبين بدستور يحفظ لكل مواطن حقه في أن يحيا حياة كريمة كإنسان،
مطالبين بحقهم في انتخاب من يمثلهم في مجلس الشعب بحيادية وشرف ......
ينادون بالحرية .. ينادون بالعدل .. ينادون بالمساواه ......
يهتفون بأعلي صوت : لا للظلم .. لا للإرهاب .. لا لتوريث الحكم ......
يهتفون بأعلي صوت : نعم لحرية الرأي .. نعم للقلم الحر .. نعم لأن يكون الشعب هو مصدر السلطات ......

استمع محمد إلي كلام صديقه كمال ولم يجد فيه سبب واحد مقنع لاعتقال أبيه بهذا الشكل ، ثم اتفقا معاً علي أن أن يتقابلا صباحاً والذهاب للإطمئنان علي عم حنفي عبد الكريم والد كمال ،
وهنا رمي كمال السماعة فوق آلة التليفون بعنف، بدون أن يحيي محمد أويشكره علي هذا الإهتمام ، ولكن محمد كان مقدراً تماماً الحالة التي يعيشها صديقه كمال في هذه اللحظه .
جلس محمد علي كرسي هزاز في منتصف غرفته يفكر بعمق شديد ، ويتحسر علي حال هذا البلد .
وكأن كل طاغية في العالم مصاب بنفس الداء ،يضيق حياة الناس ويوسع الشوارع التي يمشون فيها ،
يخرب البيوت ويعمر السجون ، يقطع ألسنة المعارضين بحجة نشر الهدوء والسكون ومنع الضوضاء،
الظلم في غزة في فلسطين هو نفس الظلم في القاهرة في مصر . مع أن فلسطين دولة محتلة ومصر من المفترض أنها بلد حرة مستقلة.فلسطين يحتلها الإسرائيليون ومصر يحتلها قلة من المصريين !!!!!!!!

دقت الساعة الثامنة صباحاً، هذا موعد لقائه بصديقه كمال للذهاب والإطمئنان علي والد كمال ، وبعد إجراءات واتصالات ومباحثات ومفاوضات و.........الخ الخ ، سمحوا لهما بالزيارة في السجن وعندما وصلوا إلي مكان اللقاء فإذا بعم حنفي في حالة من الإعياء والتعب الشديدين ، يكلمونه فلا يجيب ، يحدثونه وهو ملتزم حالة من الصمت الشديد كأنه لايراهم من الأساس ...
ظل عم حنفي علي تلك الحال حتي قام وبدأ بخلع ملابسه ، وهنا رأي محمد في ظهر والد صديقه كمال وعلي بطنه وساقيه خطوطاً سوداء وزرقاء وحمراء ، خطوطاً عديدة ومتشابكة ، بأطوال مختلفه وبعروض مختلفه .
هنا لم يقرأ محمد في هذه الخطوط قصة العذاب الهائل الذي تعرض له والد صديقه كمال ، وإنما قرأ تفسيراً لمواد الدستور الذي كان يجهله تماماً قبل هذا اليوم !!!
كان كل أثر لسوط علي جسم عم حنفي هو مادة من مواد هذا الدستور الذي قام الشعب وأجمع علي إلغاء بعض نصوصه ، وتعديل البعض الآخر !!!
هذا الجرح الكبير يقول أن الأمة هي مصدر السلطات .
هذا الجرح الذي ينزف يقول بأنه لايجوز أن يبقي برئ داخل السجون والمعتقلات .
هذا الخط الأزرق يقول بأن لاجريمة بغير قانون .
هذا الخط الأحمر يقول بأنه لايجوز محاكمة مدنيين في محاكم عسكرية .
كل مادة من مواد الدستور كانت مكتوبة علي جسد هذا الإنسان بآثار السياط . وإن ماحدث له قد يحدث لملايين غيره .. ملايين الأبرياء .. ملايين الناس الطيبين الذين يطالبون بسيادة الدستور والقانون .
وهنا خطر ببال محمد أن يسجل تلك المعاني التي استوحاها من آثار التعذيب والظلم في مقال......

فجلس وكتب .......

وإذا به دون أن يشعر يكتب خطاباً غرامياً ، خطاباً كله غزل وهوي مبرح ، وشوق جائع ، في معشوقة لم يعرفها من قبل ، أو أنه لم يفهمها من قبل ! يكتب لأول مرة في حياته خطاباً غرامياً بإمضائه هو ، إلي معشوقة يحبها حباً جارفاً أكثر من أي غرام أحس به أو سمع عنه طوال حياته .. إنها معشوقة يفتقدها كثيراً ولا يجدها ، يحتاج إليها وهو محروم منها ، يريد أن يضحي بحياته كلها ليستمتع بوجودها ،

ووجد محمد نفسه وهو يكتب كأنه اكتشف هذه المعشوقة لأول مرة ، وعرف اسمها ،

لقد سمع بهذا الاسم من قبل ، ولكن لم يكن يتصور أنها تعني كل ماعنته ، لم يكن يعتقد أنها بكل تلك الروعة وكل هذا الجمال .

من هي تلك المعشوقة ؟ وما اسمها ؟

وماذا قال في خطابه الغرامي لها ؟

هذا ماسوف نكتشفه في البوست القادم إن قدر الله لنا اللقاء والبقاء.

دمتم بألف خير، وأطيب أمنياتي بالتوفيق لكل شاب . لكل فتاة . لكل رجل وكل امرأة . لكل إنسان . لكل مواطن شريف ..يسعي جاهداً لإيجاد تلك المعشوقة الغالية !!!

وآخر كلامي سلااااااااااااااااااااااااااااااااااااااااااااااااااااااااااااااااام

هناك 86 تعليقًا:

قلب أبيــض يقول...

بسم الله
السلام عليكم ورحمة الله وبركاتة
اولا

اقولها كثيرا هذه الايام
جملة واحدة تتكرر على لسانى
عندما ارى او اسمع او حتى اقرأ
مدى الظلم الواقع علينا

أقولها وكلى امل فى العزيز الجبار
الذى سينتقم من الظالمين
ويجزى الشرفاء والمظلومين

فأقول


حسبنا الله ونعم الوكيل
حسبنا الله ونعم الوكيل فى الظالمين

حسبنا الله ونعم الوكيل فى الخائنين


أخى

فى كلماتك
صورت فى البداية
مشهد من الليل ..ومدى الظلمة والهدووء

وفى نهاية كلماتك

انتهى الليل
وبزغ شعاع الشمس

فهذا ادق تشبية لما نحن فيه

فلن يطول ليل الظالمين
وحتما سيبذغ شعاع الحرية والنصر
وان النصر مع الصبر

ولا تحسبن الله غافلا عما يفعل الظالمون



****************


فى نهاية تعليقى
اعتذر على الاطالة
ولكن هذا والله لجزء مما تحدثنى به نفسى
واعتز وافتخر فى النهاية
اننى تشرفت بان اكون اول تعليق على هذا الموضوع

حياكم الله اخانا

تقبل مرورى

اخوك ..قلب ابيض

غير معرف يقول...

ياعم انا مليش دعوه لا بالسياسه ولا بامن الدوله ومش عاوزين اشتغالاااااااااات وبعدين احنا نعمل ايه يعنى وبعدين كل واحد يمشى جنب الحيط ويخاف على نفسه ولو قادر يدخل جوه الحيط سلامووووووووووووز

غير معرف يقول...

لو لم اكن مصريا كان هيبقى قشطه اوى

paranoia,magnetic & dramatic girl يقول...
أزال المؤلف هذا التعليق.
paranoia,magnetic & dramatic girl يقول...
أزال المؤلف هذا التعليق.
Ahmed Al-Sabbagh يقول...

للمرة التانية

إسجل اعجابى بكتابتك واسلوبك الرائعة

الظلم نستشعرة جميعا فى بلادنا هذة الايام

لكن قلما ترصدة أقلام بمثل روعتك

ان شاء الله فى العدد التانى من مدونات مصرية للجيب لازم تشارك فيه بجد انت رائع

احمد الصباغ

بنت مصريه يقول...

محمد
اوعى الحكايه دىتكون بجد يا محمد
ابو صاحبك اخدوه ف امن الدوله
رد عليا الله يخلييك
لو البوست دا من خيالك يبقى هايل
ولو حقيقى تبقى خبيتنا قويه
قويه قوى
انا مليش غير معشوقه واحده
عرفتها وانا صغيره
واتعلمت ازاى احبها
ولما كبرت
لقيتها واحده تانيه غير اللى انا حبيتها
عرفت هى مين




هقولك ف التعليق الجاى
غلاسه بغلاسه بقى


هههههههههههههه
احييك

سفينة يقول...

قلب أبيــض
.............

حسبنا الله ونعم الوكيل في الظالمين
........
أخي الجميل اولا اشكرك علي زيارتك الغاليه لسفينتي...
وثانيا أحييك علي التحليل الرائع لواحد من اهم فقرات البوست الذي يصور مشهد الليل ثم ينتهي ببزوغ الفجر
.....
مش اي حد عنده القدره دي علي الفهم العميق....
دا لازم يكون واحد زيك..قلب ابيض..
............
ولا تعتذر اخي علي اي شئ فهذا شرف لي ان تتحدث مطولا معي ..
فهذا لايستحق اعتذارا منك مثلما يتطلب شكراً مني لك ....
............
خالص تحياتي..ودمت بخير..

سفينة يقول...

غير معرف
........
هههههههههههههههههه

بجد دمك زي العسل وسعيد بمرورك بس كنت اتمني اتعرف اكتر عليك
عشان انا حاسس ان انت بتهزر مش عارف ليه...
حاسس انك حد بيحب مصر قوي وموضوع كان يبقي قشطه قوي دي لو لم تكن مصرياً دا من ورا قلبك
.........
كل المصريين كدا علي فكره ولاد حلال
.........
خالص تحياتي واتمني تنورني دايماً
.........

قبطان

سفينة يقول...

paranoia,magnetic & dramatic girl
..................................

دعاء منوراني والله بزيارتك الجميله دي واتمني تكوني ضيفه دائمة علي سطح سفينة الحب .......

سعيد جدا ان العمود الأيسر عجبك بس مااعتقدش انه اجمل من مدونتك..بجد تحفه بيكي وبمواضيعك الجامده قوي والجريئه جدا لدرجة اني قرأت تقريباً معظم البوستات اللي كتبتيها منذ انشاء المدونه لغاية دلوقت........

نصيحتي بلاش تمارسي سلطتك بقوه مع اخواتك خليكي كدا ايه ياواش ياواش
يعني واحده واحده........
وربنا يخليكو لبعض
............
خالص تحياتي ومستنيكي تزوريني دايماً واسمحيلي اكون زائر دائم عندك ويارب اكون زائر مش تقيل عليكي........
............
مع تحيات

قبطان

سفينة يقول...

Ahmed Al-Sabbagh
.................
أحمد انت مش عارف زيارتك الجميله دي لمدونتي المتواضعه جداً بالنسبه ليك بتمثل لي ايه.....
بجد عايش حاله من السعاده لاتوصف بتشريفك عندي..

وكمان لما تتكلم عن اسلوب كتابتي بهذا الثناء دا بعتبره كتير عليا ان كل دا يحصل في نفس اليوم والساعه..

وشهاده اعتز بيها والله انك تقول لي اني اكون ضمن مدونات مصريه العدد الجاي ،انا معتز جدا بكلامك دا والله حتي لو مكونتش ضمن العدد التاني عشان اكيد فيه ناس عمالقه في هذا المجال وانا عارف اني لسه علي أدي شويه..

............
خالص تحياتي واتمني مكونش صدعتك
اتمني تزورني دايما ومبتبخلش أبداً بالنصيحه علي اخوك،
............
تحياتي الحاره

قبطان

سفينة يقول...

بنت مصريه
..........
انجي
متقلقيش ياانجي محصلش حاجه لابو صاحبي هو الحمد لله بخير
الحكايه كلها من خيالي
وبعدين هو معقول برضه يحصل حاجه زي دي في مصر..بلد الحريه والمساواه

......
وبعدين احنا عندنا عقل وبنفكر ياانجي وبنعرف نخمن برضه..ذكاء يعني مش اي حاجه

مش معشوقتك دي اللي انتي حبتيها وانتي صغيره تبقي اوضة النوم بتاعتك،ولما كبرتي واتجوزتي لقيتيها متغيره؟؟؟

مش هي يامتعلمه يابتاعة المدارس؟؟؟
هي دي ولا مش هي؟؟؟
كل حاجه ممكن نوصل ليها بالمنطق
.......
طبعا مستغربه من فرط الذكاء الشديد اللي عندي وكده،دا العادي بتاعي علي فكره..ذكاء بالفطره كده
.......

والله فرحان قوي بزيارتك وتعليقك واتمني تنوريني دايما وتكوني دايماً كل حياتك سعادة وفرحه...

Mona Shereif يقول...

طيب كده الله يسامحك
انا مش هعرف اكمل مذاكرة دلوقتى لو سمحت انا عايزه الخطااااااااااب دلوقتى
ههههههههههههههههه
مليش دعوة ذنبى هيبقى رقبتك
انت حر انا قولتلك اهو

موضوع رائع كالعادة

غير معرف يقول...

السلام عليكم ورحمة الله وبركاته بجد الموضوع ده موضوع جميل جدا جدا ومن زمان كان نفسى اشوف موضوع زى ده على سفينه وبحييك على الاسلوب الرائع بتاعك بجد فظيع

غير معرف يقول...

السلام عليكم ورحمه الله وبركاته

اولا
احب بجد اهنيك بشده وحراره بالغه على الموضوع دا
عشان مفيش اجمل من المواضيع اللى ليها علاقه بالواقع وبتمثل نبض الحياه لانها مستمده من الواقع
واكيد تأثيرها فى النفس اقوى وابلغ من مواضيع الخيال او عكس الواقع يعنى
وان كان موضوعك دا من مخيلتك ولكنه تجسيد للواقع بأسلوب الذ يعنى مش اكتر

ثانيا
بجد احب اشكر كل اللى معلقين ليك على الموضوع بجد تعليقاتهم عجبانى جدا والاجمل من تعليقاتهم ردك انت عليهم ميه ميه بصراحه

واكتر حاجه عجبتنى بخلاف واقعيه الموضوع وروعه تصويرك ليه واحساسك المرهف وعاطفتك الجياشه واستعدادك الفطرى يعنى
ملحوظه
كلام الكتكوت الفصيح اللى انا كاتباه دا من دراسه الادب فى ماده العربى بتاعى ما انا عندى امتحان بكره بقى ف مأثر عليا شويتين دعواتكم

معلينا اللى عجبنى بخلاف اللى قولته واسلوبك وكده اما جيت قولت خطوط سوداء وزرقاء وحمرا وعملت كل واحد فيهم بلونه
طبعا دا تعليق سطحى الى حد ما ملهوش علاقه بمضمون وجوهر الموضوع بس دا دليل ان مش بس المضمون جميل دا حتى الشكل كمان
ياريت متحرمناش من بوستاتك
وشكلك كده هيجى اليوم اللى هتعتزل فيه مهنه صيدله وتشتغل فى الصحافه صدقنى هيبقى ليك شعبيه جامده اوى
اوعدنى تفكر فى الموضوع ايه رأيك الى جانب مهنتك الاساسيه يادك
طولت عليك انا عارفه بس اعمل ايه بقى مواضيعك شيقه بتجذب الواحد انه لازم يتكلم وكمان يطول

Mona Shereif يقول...

اه نسيت اقولك انى كنت هعمل قصة العصفورة والوردة عندى فى المدونه بس الله يسامحها بقى وينجحها يااااااااارب اللى وصلتهالك علشان انا اللى كنت لقيتها وبعتها ليهاااااااااا

قلب إنسان يقول...

حبييى محمد بجد احب أبدى اعجابى الشديد بالبوست الاكثر من رائع ولسه فى جعبتك الكثير والكثير حتى نراه ونستمتع بيه

وفعلا قصه رائعه من خيالك اه بس
كتير شفوها مؤلمه وصعبه بس اقدر اقولكم ان الواقع واللى بيحصل اصعب بكتييير وانتم اعلم بكده

بس كلمه هقوله

مش هنبطل ولا هنخاف

وهنقول باعلى ايمان

مش هنقبل إلا الإصلاح

وده طريقنا واختارناه

وعلى خطى الرسل ماشيين

وعلى رفقه الرسول طالبين

وعلى جنة ربنا ناوين

وبجد مهما طال الليل هيجى ضى الصباح وهتملأ الشمس دنيانا

ونصحتى ان كل واحد يكون له دور ولو بسيط ومش هقولك ايه ؟
انت اعرف اذاى تخدم دينك وترضى ربك وتمشى على هدى الانبياء

وبالنسبه للمعشوقه اللى انت مفتقدها يا حبى فهى مش معشوقه واحده دوووول كتييييييييير

اسف يا حبى على الإطاله

وجزاك الله خيرا

غير معرف يقول...

السلام عليكم جزاك الله عن خيرا والله يامحمد بجد موضوع جميل جدا جدا وعجبنى جدا اسلوبك فى هذا الموضوع وقوه الصوره والتشبهات الاكثر من رائعه وخصوصا المقدمه وفعلا مهما طال الظلم الحق قادم قادم باذن الله وربنه يعينك ويعنا على هذه الايام حتى تعلو رايه الاسلام الى الاعلى باذن الله حتى ولو كره الكافرون ومقدرش اقولك بلاش تكتب بوضوع اوى كده بس الى اقدر اقوله ربنه معاك ويعينك ويحفظك من كل شيطان رجيم وربنه يعطيك الالهام وتمتعنا بكل ما هو جديد وفى الختام احب اقولك انا بحبك فى الله اختك

غير معرف يقول...

نسيت اقولك توقعاتى لمعشوقتك
بل معشوقتنا جميعا اكيد
يمكن تخمينى صح ويمكن غلط
بس الاكيد انها احدى معشوقتنا اللى نفسنا اكيد كلنا نتمتع بيها فى مصر كبلدنا الاول وفى كل حياتنا
واللى قصدى عليها هى
يمكن يعنى
الحريه
مثلا
مستنيه بقى ردك فى البوست الجاى ويارب صبرنى لغايه اما تبقى تنزله ارجو متتأخرش فى تنزيله عشان انا بجد متلهفه اعرف تخمينى دا صح ولا

غير معرف يقول...

احب اقولك احنا شباب

ولا بنخاف من الدنيا بحلها

لو عايزين الشمس نطولها

نمسك نجم السما بادينا

والدنيا ان مالت نعدلها

وشكرا

غير معرف يقول...

فى الاول احيك على تعبيراتك الجميلة ووصفك الجميل للقاهرة لبلدنا الجميلة اللى عمرنا ما هنلاقى احسن منها فى الدنيا مهما حصل لينا فيها لان اللى بيحصل لنا دة احنا مشتركين فيها سلبيتنا واستسلمنا هوة اللى وصلنا لكدة وكل واحد بيقول يلا نفسى مش عارفة ليه وصلونا لكدةهى دى مش بلدهم كل واحد منهم اتربى فيها واتعلم فيها يبقى هوة دة رد الجميل لبلدهم دة مفيش احسن من حب الوطن واسعد لجظة للانسان لما بيحس انه بيخدم بلده وان شاء الله الظلم دةهيكون ليه نهاية بس امتى مش عارفين بس فيه سؤال عايزة جواب ليه ايه الاصعب ظلم وقسوة ابن بلدك عليك؟ولاظلم وقسوة وجبروت الاستعمار؟ خلى عندكم امل

غير معرف يقول...

اذيك يا حماده انا فعلا كنت بهزر والله انا كنت بكتب كده عشان اشوف رد فعلك بس والله بس بجد موضوع جميل جدا وبحييك علىه واسلوبك الجميل جدا يعنى بجد عيشنى مع الموقف اللى حصل وكانى موجود فى الموضوع او حسسنى ان انا طرف فيه وللمره التانيه بتاسفلك واتمنالك كل خير ان شاء الله وربنا يجازيك بكل خير ويجعل كل العمل ده فى ميزان حسناتك ان شاء الله وفى الختام السلام

سفينة يقول...

Sometimes
...........

ببقي فرحان قوي لما بتشرفيني بزيارتك الغاليه دي..وآخر حاجه اتمناها اني اخليكي متعرفيش تذاكري،ولو عايزه الخطاب حالا دا انا مش انشره دا انا اجيبه واجيلك حالا دلوقت بس المشكله اني لسه مكتبتوش......
هههههههههههه
ربنا يوفقك وينجحك يارب انتي وصاحبتك وكل اللي بتحبيهم
................
واحب اقول دا شرف ليا اني يكون عندي حاجه زي اللي في مدونتك دا اذا مكنش عندك انتي مانع.....
واذا كان فيه مانع انا اشيلها من عندي علطول.....
والله مش كلام وخلاص .. جربي وشوفي
................

خالص تحياتي ودومتي بألف خير
.....
قبطان

سفينة يقول...

عمر عبد الرحمن
..............

أنا مبسوط قوي علي فكره ان الموضوع عجبك..
وبعدين لما انت من زمان نفسك تشوف موضوع زي ده مش بتقولي ليه؟؟؟

ولا يمكن مبتشوفنيش وانا نايم معاك في البيت كل يوم؟؟؟

وشهاده اعتز بيها من واحد ضليع في اللغه العربيه زيك انه يقول لي ان الكلام رائع.......

اشكرك اخي واتمني تكون متابع جيد لسفينه وتعلق دايماً عشان يهمني اعرف رايك قوي يمكن اكتر من اي حد....

..........
أخوك
محمد عبد الرحمن

غير معرف يقول...

نسيت اقولك حكاية(لو لم اكن مصريا كان هيبقى قشطه اوى )هو بجد والله الواحد بيتشرف انه مصرى بس فيه بعض الحاجات اللى الواحد بيتخنق منها موجوده فى مصر واكيد كلنا عارفين ايه هى الحاجات دى من الحاجات دى طبعا الموضوع اللى انت كاتبه(الاعتقاااال)

سفينة يقول...

توتو
.....

أختي الجميله جداً تغريد

السلام عليكم ورحمه الله وبركاته
............
أولا بشكرك علي رايك في البوست واللي مخليني بجد في منتهي السعاده عشان عجبك.

بشكرك علي اهتمامك ومتابعتك المستمره لسفينه حتي في ظروف امتحاناتك الصعبه دي ..وبدعيلك ربنا يوفقك وتحققي كل احلامك..يااااااااااااارب

بشكرك بشده وبحييكي علي ميزه مهمه قوي عندك بخلاف روعة تصويرك واحساسك المرهف وعاطفتك الجياشه واستعدادك الفطري...يعني بخلاف كل ده
بحييكي علي قوة ملاحظتك بجد خليتيني احس ان تعبي في تنسيق الموضوع بيؤتي ثماره والناس واخده بالها وحاسه وعارفه قصدي من كل لون وكل همسه علي الصفحه دي،عشان انا فعلا بتعب كتير في تنسيق الموضوع قبل النشر النهائي
............

ربنا ميحرمناش من زيارتك الجميله دي ولا من تعليقاتك اللي انا شخصياً بستناها....

واوعدك اني هفكر في الموضوع اللي انتي قلتي عليه..واشكرك علي ثقتك الغاليه دي جدا جدا

بحييكي علي عقلك وتخمينك اللي من المحتمل يكون صح..هسأل محمد صاحب كمال وهبقي اقول لك صح ولا غلط..

.............
انا بقا اللي آسف اذا كنت طولت عليكي في الرد،وانا شخصياً سعيد جدا بتطويلك دا في تعليقك عشان كل اللي اتكلمتي فيه حاجات مهمه جداً بتدل علي انك موهوبه جداً وعندك فكر مش اي كلام يعني..احييكي للمره الألف..
.............
تحياتي الحاره

قبطان

سفينة يقول...

قلب إنسان
..........

أخي وصديقي وحبيبي الباشمهندس محمد باشا كامل عبد الشكور...

منور الدنيا كلها ياجميل..واتمني لك كل توفيق ونجاح في شغلك ومستقبلك كله إن شاء الله رب العالمين ...
........
ندخل بقا في الموضوع..احب اقول لك اني فخور بسماع الكلام دا منك عشان رايك مهم قوي عندي وربنا أعلم بكده..

وعندك حق..
الظلم لو طال ليله ..للحق ألف نهار
واحنا كلنا متفقين علي ان:

ده طريقنا واختارناه

وعلى خطى الرسل ماشيين

وعلى رفقه الرسول ناويين

وعلى جنة ربنا سايرين

............
ومش هنبطل ولا هنخاف
...................

بس انا عندي ملحوظه يعني هو انت مبتعرفش تفوت فرصه واحده متستغلنيش فيها..ياأخي حرام عليك..حررررراااااااااااااام
جننتنييييييييييييييييييي منك
..................
جزاك الله خيراً وربنا يخليكوا لبعض انت ومعشوقتك الجميله جداً...
وارحمني شويه بقا..دا انا ضهري انحني من كتر ماانت عاملني كوبري ليك ياراجل..

سلااااااااااااااام
...................

خالص تحياتي ،ومش بمزاجك هتنورني دايما غصب عنك انا بقول لك اهوه

أخوك
قبطان
.......
ولا اقول لك كفايه اخوك محمد وخلاص احنا مفيش بيننا القاب..

سلااااااااااام ياجميل

كوارث يقول...

تحيا مصر
مصر هيا المعشوقة صح ؟
تكونش الكرامة ؟
لا لا .. تكونش ام علي ..
يبقى انتا اكيييييد اكيييييييد في مصر
***
مبدع يا باشا والله
انتا عاملها كقصة .. والمفروض في القصة انك بتنقل المشهد بأمانة .. بصراحة انا شايفك متحامل شوية عالحكومة الله يرحقها .. حتى زي بتاعت البكالريوس مثلا فوجئت بيها في سياق القصة وهيا برّة السياق اصلا والتبرير كان بعدها .. المفروض التبرير يبقى قبلها .. مثلا كمال مش لاقي شغل بعد ما عملنا كذا وكذا وكنا مع بعض من سنين وده لان ..
مش تبدا من احنا خدنا البكالريوس وبناء عليه كمال مالقاش شغل !
ده الحتة الوحيدة في القصة كلها اللى زعلتني منك النك تكتب عمل بالروعة ده وتقع في نقطة زي ده ..
بالنسبة لرايي في القصة عمومًا
فمش هقول حاجه
هنبدا برنامج تضافر جهود
احنا لازم نتحد
rewayatnet@hotmail.com
مستنيك
هيكون بيننا بوستات وحكايات ان شاء الله
طارق

سفينة يقول...

khokho
.......
السلام عليكم ورحمة الله وبركاته
............................

في البدايه احب اقول لك
انا كمان بحبك في الله،وأحبك الذي أحببتني فيه ويارب كل حياتك تبقي سعاده وفرحه علطول بعد الجواز زي ماكانت قبل الجواز واحسن كمان....

...............
وانا بصراحه مش عارف اقول لك ايه علي الكلام الجميل اللي انتي قلتيه ده وصدقيني فارق معايا قوي ان الكلام ده بسمعه منك يعني من حد ربنا يعلم مدي حبي ليه وتقديري .....
ربنا يخليكي يارب واتمني اكون دايما عند حسن ظن الجميع .......

وفعلا مهما طال الظلم فالحق قادم بإذن الله وستعلو راية الاسلام دائما وابدا خفاقة ولو كره الكافرون..

وإن أشد ساعات الليل ظلمة هي تلك التي تسبق طلوع الفجر...

جزاك الله الخير كله
...................

خالص تحياتي واتمني تنوريني دائما

أخوكــــي

قبطان

سفينة يقول...

noga
.....
أختي الجميله جدا جدا جدا والعزيزه قوي علي قلبي نوجا...

بصي أنا متفاجئ بيكي بجد مكنتش اعرف ان انتي علي هذا القدر من الاتزان والعقل والقدره الشديده دي علي التحليل وابداء الرأي ...

أنا كان كل معلوماتي عنك:شئ من الإنطوائيه..شئ من الكآبه..سوري ياسلمي..ههههههههههه دا هزار طبعاً

بس اقول لك حاجه انا فخور ان انتي بنت خالتي بجد يانوجه ربنا يوفقك يارب في كل حياتك وانتي علي فكره عندك المقومات اللي تقدري تكوني بيها اكتر حد مميز في الدنيا ..
...............

بحييكي علي رايك في ان اللي بيحصل ده احنا مشتركين فيه بسلبيتنا واستسلامنا وكأن دي مش بلدنا اللي بنحبها...
...............
واسمحيلي اجاوبك علي سؤالك

أنا شايف ان الظلم لو من ابن بلدي بيبقي له طعم أكثر مراره مما لو كان من حد تاني غريب عني...
ابن بلدي ابن وطني اخويا وبيخاف عليا المفروض فلما يعمل معايا حاجه مش كويسه بتكون اصعب بكتير ....

زي لو واحد بيحب واحدهاو العكس وهو او هي خانته ومقدرتش حبه بياخد فتره كبيره قوي عقبال مايشفي من جرحه ده وكل ماكان بيحبها قوي كل ماصدمته هتكون فيها كبيره قوي..فاهماني طبعاً!!!

...............
خالص تحياتي وياريت تنوريني دايماً وتقوليلي رايك عشان مهم قوي عندي كلامك ونظرتك للأشياء خصوصاً بعد الجديد اللي اكتشفته فيكي....
........................
أخوكي اللي اكيد بتحبيه قوي عشان مينفعش ميتحبش....

قبطان

سفينة يقول...

غير معرف
........
السلام عليكم ورحمة الله وبركاته

أنا كنت متأكد ان انت بتهزر... مش عارف ليه؟؟؟

واحساسي بيقول لي ان انا عارفك وبحبك قوي ...برضه مش عارف ليه؟؟؟

عشان كده عاوز اقول لك متتأسفش علي حاجه عشان كان واحد من أظرف التعليقات اللي سعدت بيها جدا حكمتك الشهيره :
(لو لم اكن مصريا كان بقي قشطه قوي)

وضحكت قوي والله من قلبي وحكيت لأصحابي كمان عليه..

جزاك الله كل الخير
...............
اتمني تنورني دايماً،واتمني كمان لو دا ميضايقكش تقولي انت مين ....

خالص تحياتي

قبطان

سفينة يقول...

كوارث
......
ربنا يخليك ياباشا دي شهادة اعتز بيها والله ...

تعرف اني كنت مستنيك انت بالذات عشان اعرف رايك ايه..عشان عارف ان انت بتبص بنظره مختلفه ودا اللي عاجبني فيك قوي ...

واشكرك بشده علي ملاحظتك الجامده قوي دي..عشان فعلا لازم يكون فيه ترتيب للأحداث علي التوالي..
سوري يانجم..هربت مني دي بس اوعدك هحاول انها متتكررش تاني

وبعدين طول مابتبخلش بالنصيحه ان شاء الله كله هيبقي تمام..
.........

سعيد جدا باقتراحك ده بل انه شرف ليا ان واحد بجمالك ده يعجبه كلامي لدرجة انه يطلب تضافر للجهود ...
بس انا للاسف نادرا لما بفتح الهوت ميل،بس تقريبا بشكل شبه يومي بفتح الياهو..
ph_mohamed84@yahoo.com
..........
خالص تحياتي وربنا مايحرمني من زيارتك الجميله قوي دي..ومستنيك تنورني دايما ان شاء الله..
واحب نتعرف اكتر علي بعض
..........

أخوك

قبطان

paranoia,magnetic & dramatic girl يقول...
أزال المؤلف هذا التعليق.
سفينة يقول...

paranoia,magnetic & dramatic girl
...................................
تعرفي ان انا سعيد جدا بطلبك ده،شوفي انا عايز اقول لك اني بكون سعيد جدا بمجرد زيارتك فلما تطلبي مني تضيفيني كمان دا بعتبره شرف ليا

طبعا موافق واشكرك علي طلبك ده
..................
كلامك علي فكره كان في منتهي الجمال لانه فعلا من القلب

وانا اللي آسف لو كلامي انا اللي وجعك بس صدقيني انتي في نعمه كبيره قوي

والدك ربنا يخليهولك قدامك وتقدري تقوليله بحبك
وتقدري تقوليله انا آسفه
.......
اوعي تتكسفي او تضيعي الفرصه
.......
خالص تحياتي،ومستنيكي دايماً
......

قبطان

أم أحمد المصرية يقول...

اخي الفاضل
اول مرة ازورك و سعدت جدا بتلك الزيارة لأني تعرفت علي مدون موهوب يجيد التعبير الكلمات و الاهم علي مدون صاحب فكر
فك الله كرب المكروبين و سجن المعتقلين
في انتظار قراءة خطابه لمعشوقته التي نحبها جميعا
فكرتني بأغنية لشادية و انا طفلة كانت بتقول :
يتغير الزمان يتغير الزمان
و يتبدل المكان يتبدل المكات
و كل شيء يتغير و احنا نكبر و نكبر
و تبقي يا مصر دايما طفل حيفضل صغير
بنحبه كلنا ..

إخوانى حتى النخاع يقول...

السلام عليكم ...


هوا دا جزاء الى بيطالبوا بالحرية على أرض مصر

بيتضربوا
بيتعذبوا
مش بيلاقوا حاجة يكلوها

والفساد استشرا من أول الإحتكار وتصدير غاز لإسرائيل وفلوس خصخصة الشعب مش لاقيها وحاجات كتير تانية


دلقوتى الطوارىء هيا الى بتحكمنا
انا لما كنت بدرس تاريخ كنت بشوف الدول الى بتعمل حالات طوارىء بتكون علشان لو فيه حرب لو فيه كوارث طبيعية وبتكون لفترة وتخلص
مش تثعد أكتر من 25 سنة

بقا أمن الدولة هوا العصاية اليمين للنظام


ربنا يكون فى العون ...

ومستنيين الرسالة الغرامية فى البوست الى جى

أخوك : إخوانى حتى النخاع

walaa rizk يقول...

أولا البوست رائع جدااااا

طفح الكيل وتجاوز الظالم المدى

وأصبح الشعب يغلى

وكل حاجه فى البلاد تتدعو الى ان الشباب يهاجروا منها

قمع للحريات وللصحافه ولكل شئ

لكن هما بيعملوا كده عشان نسيبها عشان تغرق وهما يفرحوا

أشك ان الناس ديه بتحب ا لبلد

الناس ديه عباد للمناصب

للكراسى
لأمريكا

الناس ديه

خونه لكل ما أقسموا عليها عند حلف اليمين

ولكن نحن الأمل

احنا اللى لازم نشتغل ونفوق الناس لبكره عشان نرفع رايه الحق

مهما كان الليل حالك

جاى بعيده نهار

وهذه سنه الكون

الابتلاء

لكن صدقا لو كل واحد رجع لربنا واشتغل بجد

هنرجع تانى الحق يحكمنا

اما معشوقتك

فأظننى قد عرفتها

جزاك الله خيرا

Hosam Yahia حسام يحيى يقول...

مدونه جميله ماشاء الله


وفقك الله

ووفق الله محمد فى حبها بس خلى بالك اهلها لو عرفوا هيسجنوه

ويمكن يحولوه محاكمه عسكريه

:d

تحياتى

اوعى تفكر يقول...

هو ده اللى هيحصل
للى بيحب البلد
هو ده اللى هيحصل
للى عايز حريته
هو ده اللى هيحصل
للى يفتح فمه
مستنيين بقيت القصه
ان شاء الله

فى حب الله يقول...

فى البدايه انا مكنتش مصدقه كل إلى حصل فى هذه القصه القصيرة ومش متخيله ان فمصر شئ بالشكل ده والقسوه دى يمكن علشان انا متعرضتش لمواقف بهذا الشكل بس لما شفت الرد على بنت مصرية عرفت انه من خيالك والشئ الأكيد انه مدام الخيال وصل بينا ان احنا صدقناه وحسيناانه شيئ واقعي وحقيقي يبقي انت نجحت فى أنك توصلنا إلى انت عاوزة تقوله من خلال السطور اهنيك علي على نجاحك مدونه رائعه وكتابات جميله وشكرا لزيارتك مدونتي المتواضعه

غير معرف يقول...

هو القصه اه من وحي الخيال بس هي بتحصل في الايام دي لان سياسة بلادنا الوقتي بتقول:"من حق كل مواطن ان يقول رايه بكل صراحه لان احنا شعب ديمقراطي قال يعني بس بقي من حق امن الدولة انها تمسك المواطن من قفاه وتبهدله وتدخله السجن وبدون اي اعتراض ولو فكر حد انه يعترض هيخدوه هو كمان"وشكرا علي الموضوع

سفينة يقول...

أم أحمد المصرية
................
في البداية احب اشكر حضرتك علي كلامك الجميل ده اللي بعتبره وسام علي صدري لأنه من أم أحمد،

جزاك الله كل الخير،وجعلك قدوة ومثالاً لكل أم مسلمة..

................
نورتيني بزيارتك الغالية واتمني تكوني ضيفه دائمة في سفينة،

وفعلاً مصر هتفضل زي طفل صغير بنحبه كلنا بس كلامك بيقول ان المعشوقه اللي محمد بيكتب لها الخطاب الغرامي هي مصر

ممكن يكون تخمينك صح
....................
دا اللي هنكتشفه ان شاء الله خلال ساعات قليله،هسأل محمد وآجي اقول لك علطول
...................
خالص تحياتي ومستني زياراتك الجايه ان شاء الله

قبطان

Aиgel يقول...

موضوع في غااااية الروعه والجمال
كلماااات قريبة جدا من الواقع

سلمت يمناك اخي العزيز
ولا تحرمنا من جديدك

تقبل مروري

اختك في الله ...
أنجل .... عبير

سفينة يقول...

إخوانى حتى النخاع
................
السلام عليكم

انتي كده حطيت ايدك علي صلب الموضوع

الحريــــــــــــــــــــــة

تصدير غاز.قانون طوارئ.أمن دوله.خصخصه.فساد.الخ ..الخ ..الخ

هنقول ايه ولا ايه
..................

وعد مني ان الرساله الغراميه هتخليك انت سعيد بشكل شخصي،
اتمني يكون احساسي صحيح.
......................
خالص تحياتي ،مستنيك تاني اوعي تتأخر

تحياتي

قبطان

سفينة يقول...

عاشقه الاقصى
............

بصي والله العظيم انا بعد كلامك ده ماعارف اكتب ايه البوست الجاي

عشان مش هعرف اكتب كلام يعبر عن اللي جوايا بكلمات اكثر تعبيراً من كلماتك التي تقطر الماً ومراره فيها طعم كل انواع الظلم التي نعاني منها في بلدنا التي نحبها وعلي استعداد للتضحيه بدمائنا من أجل حريتها بل الأجدر حريتنا نحن.......

............
أما بالنسبه لمعشوقتي ومعشوقتنا جميعا،
هقولك لك عليها خلال ساعات قليله
............
خالص تحياتي

قبطان

سفينة يقول...

Hosam Yahia حسام يحى
....................

أشكرك أخي علي مرورك الكريم
................
وكلامك مع قلة كلماته وحروفه يدل علي شخصية واعيه حكيمه تستطيع التعبير بحروف قليله عن معاني كبيره وعميقة..
................
خالص تحياتي أخي الكريم

واتمني تشرفني دايماً بالزياره الجميله دي،حتي أسعد بوجودك

خالص تحياتي

قبطان

سفينة يقول...

اوعى تفكر
..........

طاب يومك أخي الكريم

تشرفت بتلك الزياره وسعدت بوجودك هنا علي متن سفينتي الحائرة بين شواطئ الحياة ،
تتمني أن تصل لشاطئ تتنفس فيه نسيم الحرية،ولكنها تأبي أن يكون
هذا الشاطئ وهذا النسيم
خارج تلك الأرض،

أرض مصرنا الحبيبة
...................

خالص تحياتي،ودمت بألف خير

قبطان

سفينة يقول...

فى حب الله
.........

أختي في الله،بوركت وبارك الله خطواتك التي التي حلقت بك في سماء الحياه
وهبطت بك علي متن سفينتي المتواضعة..
.......
أشكرك بحق علي هذا الثناء الذي اعتبره وساماً علي صدري
.......

بس عاوز اقول لك حاجه
هو الكلام دا ايوا من وحي خيالي
بس مش معناه انه دا مبيحصلش
يمكن بيحصل،أو اكيد بيحصل

مش لازم تكون السياط سياط بالمعني المفهوم

قمع الحريات تعتبر سياط علي ظهورنا

قانون الطوارئ يعتبر خنجر موجه الينا

ضياع الحقوق والفساد وتزوير الانتخابات والخوف وعدم حرية التعبير عن الرأي ...الخ الخ الخ

كل دي سياط موجهه الي ظهورنا لتلهبها وليس من حقنا حتي ان نعترض..
.............
خالص تحياتي واتمني تنورني دايماً

قبطان

ana ga3an يقول...

متابعك
وفي انتظار البقية
تحياتي

سفينة يقول...

عايده
.....
أشكرك انتي وأسماء علي زياراتكم الجميله دي،
وفعلا معاكي حق في كل اللي قلتيه..
...........
بتمني لكم كل توفيق ونجاح ان شاء الله
...........
سعيد بتعليقكم جدا من غير كابتشينو ولا ابو رغوه..
منورين والله وربنا يعلم بحبكوا أد ايه

خالص تحياتي

قبطان

سفينة يقول...

ANGEL
......

ربنا يعلم انا فرحان أد ايه بزيارتك الجميله دي واللي كنت بستناها...

متابعك دايما،ومستني جديدك


...........
اتمني تكوني بخير وان المانع من تنزيل بوست جديد خير ان شاء الله...


خالص تحياتي

قبطان

سفينة يقول...

ana ga3an
..........

شرفت بمتابعتك لي ومتابعتي لك،وياريت تشرفني بزيارتك دائماً..

....
خالص تحياتي

قبطان

فارس بلا جواد يقول...

ليا الشرف انها تكون اول زيارة لمدونتك وان شاء الله ماتكنش الاخيرة .. أسلوبك ممتاز وشكلك ثورجي .. بالمناسبة انا كمان طبيب امتياز في طب عين شمس .. اتمني انك تزور مدونتي وتقولي رأيك

Butterfly يقول...

أنا بجد بتنرفذ جدا لما بسمع الحاجات دى واللى بينرفذ أكتر انى مش قادره أعمل حاجه
حتى بكره الأفلام دى زى فيلم (احنا بتوع الأتوبيس )
بجد أنا اول مره شفت الفيلم ده مش قادره أوصف احساسى كان عامل ازاى وقررت انى مش هشوفه تانى ابدا .

وعلى فكره انا عرفت مين هى المعشوقه دى .
واحييك على اسلوبك الرائع .

سفينة يقول...

فارس بلا جواد
.............

الشرف ليا انا والله بالتعرف عليك

سعيد جدا بمرورك عندي

وانا والله ولا ثورجي ولا حاجه

انا كل الحكايه اني واحد بيحب مصر

واحد يتمني يشوفها اجمل بلد في الدنيا
.........
تابعني عشان تعرف من هي معشوقتنا التي يجب ان نناضل ونناضل في سبيل سطوعها كالشمس في وضح النهار

ولن يكون الا ببذل الغالي والنفيس من أجلها.......

بس المهم نعرف عنها معلومات الاول

ودا اللي هقدمه في بوستي القادم ان شاء الله تعالي...

....................

خالص تحياتي


قبطان

سفينة يقول...

Butterfly
..........

عندك حق والله
فعلا الحاجات بتنرفز
بس دا قدرنا،ودا واقعنا اللي عايشينه
.................
بس لازم نتكلم ولازم نقول

احيانا بنغمض عنينا لما بنواجه خطر ظناً مننا اننا مادمنا لانري الخطر فإنه لايرانا...

بس دا مش حقيقي .. الخطر موجود .. ولازم كون عندنا الشجاعه اننا نواجهه
..............
خالص تحياتي،واتمني تنوريني دايما بزيارتك الجميله دي..
وربنا يوفقك يارب في امتحاناتك
..............

قبطان

GiGi world يقول...

تسمحلى اركب معاكم فى السفينه ونقول كلنا بسم الله مجراها ومرساها زي مالقران بيقول
ونحاول كلنا مع بعض نغير ونبقى السبب فى التغيير
ومش عارفه ايه موضوع ان كل الى بيدخلوا عندي من المنصوره ده هو فعلا دي صدفه لان انا من المنصوره وبجد انا مستغربه فعلا دي صدف
بجد مدونتك جميله قوي ياقبطان
وانا سعيده قوي بتشريفك الغالى عندى
تسلم بكل خير
معلش انا طولت
خالص خالص تحياتي

سفينة يقول...

GiGi
......
سعيد قوي بتشريفك سفينتي واهلا بيكي

دا انا ممكن احجز لك جناح كامل في السفينة عشان تبقي مقيمة دائمة معانا وتقضي معانا احلي الاوقات...

بصراحه انا مش عارف هو موضوع اننا من المنصوره دا يضايق ولا حاجه كويسه يعني ...

............
علي كل حال اتمني تنوريني دايما

خالص تحياتي

قبطان

محمود بركات يقول...

تخيل هذه الديكتاتورية والفساد والتفكير القديم من الفوضى الحاكمة
ولاب للأسد صحوة وصوت زئير
شكرا على زيارتك وتعليقك
محمود بركات
www.alhol.blogspot.com

wael يقول...

اسلوبك بجد رائع
واديني مستني كتب ايه
تحياتي

حمادة زيدان يقول...

محمد

والله القصة عجبتني أوى بس ليا عندك نقد صغير أوى وأرجوا أنه متزعلش مني

أنا شايف اجزاء من القصة تقريرية ومباشرة زي ما أكون بقرأ جورنال

حبيبي
القصة حلوة أوى بس هو ده نقدي الصغير

أتمنى يارب لك التوفيق من كل قلبي

حمادة زيدان يقول...

دكتور

على فكرة

نزلت بوست جديد

مش عارف

كل شوية بنزل بوست

زهقتكم مني

هههههههههههههههههههههههههههههههههه

سفينة يقول...

محمود بركات
..........
أشكرك اخي علي مرورك الكريم

عندك حق والله
..........
خالص تحياتي وياريت تنورني دايماً

قبطان

سفينة يقول...

wael
.....

ربنا يكرمك يارب

هحاول ان شاء الله مخليكش تستني كتير

بس والله غصب عني،
الشغل مش مخلي عندي وقت خالص
بس ان شاء الله برضه مش هتأخر

.........
خالص تحياتي،فرحان قوي بزيارتك الاولي عندي،
ياريت تنورني دايما


قبطان

سفينة يقول...

حمادة زيدان
...........
سعيد جدا والله وفرحان بتشريفك عندي

مبسوط قوي ان القصه عجبتك

في منتهي السعاده بنقدك الصغير ده،وكنت اتمني يكون كبير...
عشان استفيد منك واعرف رايك ايه..

كنت اتمني توضحلي اكتر بمثال عشان واضح ان انت فعلا عندك نظره مختلفه احب استغلها واستفيد منها...

...............
خالص تحياتي،واتمني تنورني دايما

قبطان

غير معرف يقول...

الموضوع رائع لا ده اكثر من رائع بجد مش عارف اقولك ايه
وجزاكم الله كل خير
وياريت مادورش علي مدونتي كتير علشان غرقت وانا جاي سفينتك .

سفينة يقول...

كوشوموشو
.........

أشكرك علي زيارتك الغاليه ليا

والف سلامه عليك بعد غرق مدونتك،الحمد لله المهم سلامتك انت ياغالي...

متقلقش انا هنزل فريق غطس من سفينتي يدور لك علي المدونه وان شاء الله نلاقيها ونرجعها لك...

....................
خالص تحياتي

قبطان

rtrcbh يقول...

السلام عليكم ورحمه الله وبركاته

اخى الكريم دكتور محمد

اولا اعتذر على التاخير فى الرد لكن يعلم الله سبب التاخير فما كان الا بسبب العمل وضغط امتحانات هذه الفتره

الامر الثانى وهو القصه التى تروى حالنا
جزاكم الله عنا خيرا الاسلوب جميل ومن اجمل العبارات التى قراتها بها ومصر محتله من قبل مجموعه من المصريين

وفقكم الله دوما وابادا الى كل خيرا وان شاء الله سوف انتظر الجزء الباقى لمعرفه مضمون الرساله

والسلام عليكم ورحمه الله وبركاته

الربان يقول...

تحياتي يادكتور

اخي الكريم نحن في مرحلة شاقة في تاريخنا
نسأل الله ان نخرج منها بسلام و بأمان من الله....

كنت بالامس أشاهد حلقة معادة لبرنامج
حوار علي نار هادئة...وكان مع الدكتور حسن عباس زكي...و تحدث عما كان يحدث ايام جمال عبد الناصر فذكر
ان من حوله كانوا كثيرا ما يخبرونه
بمؤمرات و محاولات من البعض لتغيير
نظام الحكم...و هي غير صحيحة بالمرة..
و طبعا...تتم اعتقالات...و خلافه.

للاسف اخي الكريم...اننا الذين نعذب
و يعذب بعضنا بعضا.... بعض الضباط الصغار
يؤيدون اثبات وجودهم...و كفأتهم...وانتزاعهم لاعترافات قد تكون وهمية....فيقومون بالتعذيب....

نسأل الله لنا و لهم الهداية والرشاد
وأن يصلح الله لنا امرنا كله.

تحياتي و تقديري

Tamer Nabil Moussa يقول...

ومصر يحتلها قلة من المصريين !!!!!!!!

دى ملخص اللى بيحصل فى البلد قلة لا تبحث الا عن مصلحتها ولو على جثث وارواح الابرياء

قة جامدة عبرت فيها عن احداث بتحصل كل يوم اناس كتير


اتمنى تشرفينى فى مدونتى افكار 1 ويكون بنا تواصل دائم

تحياتى

موجة يقول...

صديقي محمد
♥ ♥ ♥ ♥ ♥
خلي البحارة كده كل واحد يشوف شغله علشان نعرف نتكلم على إنفراد
ازيك يا قبطان
ما كانش ممكن ما ألبيش دعوتك لزيارة السفينة رغم انشغالي اليومين دول و انتا عارف
بس يسعدني اني اجي و الاقي جديد دايما
و يسعدني اكتر اني اكتشفت البوست ده حاجة جديدة فيك وهي ملكة ادبية عالية و اسلوب لغوي رفيع
و في انتظار استكمال القصة يا دكتور

خالص تحياتي
أحمد توفيق

نور الدين (محمد الجيزاوى) يقول...

اخى الفاضل سفينة
قرأت قصتك الرائعة التى نسجت فيها على منوال واقعنا المرير
فاجدت تصويره واثرت داخلنا نار الثورة التى طال خمودها
وكم ارجو ان نرقب سويا يوما تتحرر فيه رقاب امتنا وشعبنا من احذية العسكر الغليظة
دام قلمك
اخوك
نور الدين محمود

rtrcbh يقول...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

بنت مصريه يقول...

دكتور محمد
بعد التحيه
ادخل على
http://netonradio.blogspot.com
دا موقع برنامج اذاعى عن النت
انت تسأل والكمبيوتر يجيب
ادخل عليهواكتب تعليقاتك عشان تسمعها ف الراديو

شفـقــة و إحســــان يقول...

بجد برافو عليكى...كلام فى الصميم

حــــــراء يقول...

الموضوع بجد جميل يامحمد
وده اللى احنا كنا عايزينه منك من زمان
وكمان توقيته جميل عشان الناس تعرف الحكومة بتاعتنا بتعمل ايه وبتتخبط ازاى
وان كان الموضوع من وحى خيالك زى ما بتقول فلازم الناس كلها تعرف ان ده موجود فعلا فى بلادنا
تقبل مرورى
مع خالص تحياتى

سفينة يقول...

الربان
........
سعيد بتشريفك سفينتي المتواضعه ايها الربان،واتمني تنورني دايما

وتقبل الله منك دعائك

وجزاك خيرا ان شاء الله

.............

خالص تحياتي

قبطان

سفينة يقول...

د/أبويحيى وادم
..............
اولا عاوز اقول مقدار سعادتي بتشريفك عندي ويعلم الله مدي صدق كلامي...

ثانيا بعتذر عن عدم الرد والمشاركه بسبب انشغالي اليومين اللي فاتو دول في الشغل جدا جدا والله...

وان شاء الله هكون في مقدمة صفوف المشاركين لان طبعا اللغه العربيه هي لغة القران،وايضا لاننا ابناء بل رجال الأزهر وان لم نحمي اللغه العربيه فمن يحميها؟؟؟؟؟
نحن لها ان شاء الله

وجزاك الله كل الخير علي هذا المجهود المشكور وعلي تلك الدعوه النبيله
............

خالص تحياتي،واتمني اشوفك مشرفني دائماً

......
قبطان

سفينة يقول...

Tamer Nabil
............

فعلا مصر يحتلها قلة من المصريين
.........
سعيد بتشريفك أخي واتمني تتكرر الزياره الجميله دي دايماً
.........
خالص تحياتي

قبطان

سفينة يقول...

موجة
......

يلا يااااد انت وهو عمو احمد وصل..

مش عاوز اشوف واحد من البحاره علي ضهر المركب..

مفهووووووووووووووم..يلا نفذ
...................

خلاص ياباشا بقينا علي انفراد

أخي وصديقي وحبيبي أحمد توفيق

أنا أشكرك من صميم صميم قلبي علي تخصيص وقت ولو ضئيل من وقت سيادتك الثمين للمرور وتفقد احوال رعاياك
يامولاي

التاريخ دا انا مش هنساه..منور ياعم احمد وياريت تتكرر الزياره الحلوه دي كتير....

واشكرك بجد علي هذا الثناء اللي اتمني ان اكون استحقه بجد مش مجامله..
..............

خالص تحياتي

قبطان

سفينة يقول...

Nour eldin
...........

أخي الجميل جداً جداً نور الدين

أشكرك علي رايك اللي اعتز بيه جدا والله...واتمني اكون كلماتي ولو نقطه في بحر من جمال كلماتك وحروفك...
اتمني يبقي قلمي عنده نص القدره اللي بيملكها قلمك من القدره علي التصوير والابداع...

ويعلم الله ان انا دي مش مجامله انت فعلا تستحق كده واكتر بكتير كمان...
وتشريفك عندي وكلامك ده وسام علي صدري

اتمني تنورني دايما..خالص تحياتي

قبطان

سفينة يقول...

بنت مصريه
...........

الدعوه دي لو من حد تاني انا مش داخل بس بما انها من اجمل بنت مصريه مينفعش غير اني اقول سمعاً وطاعة مولاتي.....!!!!

..............

واحد من رعاياك

قبطان

سفينة يقول...

شفقة و احسان
.............
ميرسي قوي علي كلامك ده واتمني تنورني دايماً .......

خالص تحياتي

قبطان مش قبطانه !!!!!!!

سفينة يقول...

حــــــراء
............

أخي وصديقي الأستاذ/احمد بدر

اشكرك علي رايك ده،وعاوز اقول لك ان انت السبب اللي خلاني اكتب البوست ده في التوقيت ده.....

وهو فعلا من خيالي بس بيرصد حاجات موجوده فعلا ولكن من ثقب الباب........

وممنوع الاقتراب اكثر من ذلك ....

عشان ماكونش بظلم وبفتري ممكن ميكونش فيه سياط بالمعني المفهوم،
لكن انا بعتبر الغلاء والفساد والواسطه والمحسوبيه وازمة رغيف العيش وارتفاع الاسعار و.......الخ الخ الخ

انا بعتبر ان كل دي سياط أشد ايلاما من السياط ولا تلهب ظهور المعتقلين فحسب بل تلهب ظهور كل المصريين البسطاء الذين لايطلبون اكثر من ان يعيشوا فقط زي البني آدميين...

بل يمكن اعتبار كل هؤلاء البسطاء معتقلين في سجن الحياه الذي وضعنا فيه حكام تلك البلاد.......
...............
آسف علي الإطاله ،ولكن كنت اتمني تكون زيارتك هي الاولي وليست هكذا...
...............
خالص تحياتي

قبطان

رُدَّ إلى َّ روحى يقول...

السلام عليكم ورحمة الله وبركاته

ما شاء الله بوست حضرتك جميل ومعبر جداااااا

تشرفت انى فى مفضلة المدونين عند حضرتك

فجزاكم الله خيراااا

نور الدين (محمد الجيزاوى) يقول...

اخى الحبيب سفينة
والله ياقبطان اخجلتنى بكلماتك التى لا استحقها
وانا من تشرف بمرورى على بحرك وشطئانك
وانا دائما ابحث عن المدونة الجادة التى تحمل همومنا على ضفافها ووجدت عندك كل هذا
فانت تاخذنا من متعة الحرف الى مر الواقع
ومن جمال التصوير الى مرءاة الحقيقة
دام قلمك
وانتظر منك كل جديد
......
نور الدين محمود