سوف تجد أنه ليس هناك مكان كاف للنوم، ومع ذلك فقد استطاعوا أن يجدوا مكاناً لنوم الكلب والجميع،
الماء يتساقط من السقف ومع ذلك فقد ارتسمت على وجه الأب ابتسامة مسالمة وهو ممسك بالمظلّة .. فالمشكلة ليست معقّدة ،
قدم السرير مكسورة ومع ذلك قطعتان من الخشب أو الأحجار كفيلة بالقيام بالمهمة كأفضل ما يكون ...
هو دا شعب مصر كلــــــه....
يا ترى كله هايتحرك يوم الاحد 6/4/2008 فى سبيل التغير للأفضل؟
يمكن مظاهره حريق القاهره ترجع تانى...
باقى من الزمن 6 أيااااام ....
الثلاثاء
الاربعاء
الخميس
الجمعه
السبت
الاحد 6 / 4 /2008
إقرؤوهااا وفكـروووووا
واللى يعرف ينشرها ينشرها لازم البلد كلها تعرف
إنتفاضة حرامية جديدة فى طريقها الى الظهور...التاريخ يعيد نفسه...
اتذكر الإنتفاضة الأولي فى عهد الزعيم طيب السيرة محمد انور السادات
عندما وصفها بانتفاضة الحرامية...
ولو حدثت ايضا هذة الانتفاضة فسوف يخرج علينا الزعيم طيب السيرة محمد حسنى مبارك
ليعلن لنا انهم مجموعة من الحرامية...
حرامية حرامية بس نخرج لنعبر اننا نرفض ان نُساق مثل قطيع من الغنم...
حرامية حرامية ولكن يجب ان تعلم القيادة السياسية فى مصر اننا شعب مازال يعيش ولم يمت بعد ...
سوف تموت القيادات السياسية ولكن شعبنا سوف يبقى الى ان تقوم الساعة...
يجب ان تعلم السلطة فى مصر اننا جميعا مللنا من المشاكل ومن الازمات
ومن الاسطوانات المشروخة من أمن الدولة والمساس بأمن الوطن ...
كلنا نحلم بالتغيير ..كلنا نحلم بالديموقراطية ..كلنا نحلم ان يأتى علينا فجر جديد ...
مللنا هذة الوجوه والتى تجسم على صدورنا وكأنهم منزهون ومختارون من الله او هم سلطة الله المختارة...
إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر
إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر
يوم 6 إبريل خليك قاعد في البيت أو شاركنا فى الميادين العامة أوعي تنـــــــــزل لكن شاركنا
ماتروحشي الشغل ....... ماتروحشي الجامعه........
ماتروحشي المدرسة ......... ماتفتحشي المحل ..........
ماتفتحشي الصيدلية ........ ماتروحشي القسم .........
ماتروحشي المعسكر .........
عايزين مرتبات تعيشنا .......... عايزين نشتغل ...... عايزين تعليم لأولادنا ..........
عايزين مواصلات آدمية ...... عايزين مستشفيات تعالجنا ..........
عايزين دواء لأطفالنا..... عايزين قضاء منصف..........
عايزين أمن وأمان ......... عايزين حرية وكرامة .......
عايزين شقق للعرسان .......
مش عايزين رفع أسعار......
مش عايزين محسوبية ...... مش عايزين ظباط بلطجية .......
مش عايزين تعذيب في الأقسام ........ مش عايزين أتاوات.........
مش عايزين فساد ........ مش عايزين رشاوي .......
مش عايزين إعتقالات........ مش عايزين تلفيق قضايا...........
قول لأصاحبك مايروحوش الشغل همه كمان وخليهم يدخلوا الإضراب
(حزب العمل المصري- حركة كفاية - الإخوان المسلمين
- حزب الكرامه - حزب الوسط
- حركة موظفي الضرائب العقاريه - عمال غزل المحلة
- حركة إداريي وعمال القطاع التعليمي - نقابة المحامين
- حركة أستاذه الجامعات )
إضراب عام في مصر سلمي
أبعت رسايل لخمسة من أصحابك ولو كل واحد بعت لخمسة
في ظرف يومين البلد كلها حتعرف بالموبايل بالأرضي بالأيميلات
أو حتي رسايل عالشات في قنوات التليفزيون
أنسخوا البوست ده وابعتوه تعليق على كل المقالات اللي بتقروها
بيكوا وبينا البلد دي حتتغير أنشاء الله المسيحين مع المسلمين لصالح مصر
يالا يامحمد يالا ياعيسي مصر مش هتتغير إلا بإيــــدينـــــــا 6 إبريل ...
هناك 6 تعليقات:
اولا : بالنسبة للصورة فهي رائعة و ان كانت تعبر عن تراث فلسطيني و مرتبطة بواقعه اكثر من مصر حيث تعبر عن كوفيه عليها طبق زيت زيتون و طبق زعتر و طبق زيتون و بصل و عيش بلدي فلسطيني
ثانيا: بالنسبة لتعبير انتفاضة حرامية فان ما يمكن ان يحدث يوم 6 ابريل او بالخرى ما نتمنى حدوثه هو فقط تعبير عن الغضب تجاه ارتفاع الاسعار فلا ينبغي ان يتجاوز رد فعلنا او آليتنا في الاضراب سوى على الامتناع عن الشراء الا في الحدود القصوى و محاولة الاضراب عن العمل و المكوث في البيت
لكن لا نتمنى استحضار صورة انتفاضة الاسعار في 16 و 17 يناير 1977 في عهد الرئيس السادات و التي تجاوز فيها المنتفضون حدود الانتفاضة البيضاء فقد كانت انتفاضة حمراء تشابه كما ذكر محمد حريق القاهرة حيث قاموا بتكسير و احراق المحلات التجارية و اهلاكها و تدمير مركبات عامة و خاصة
و كما قلت آنفا فاني استحضر مقولة الشيخ ابن تيمية الذي قال :
" ان ساعة تمرد يحدث فيها من الدمار ما يفوق حكم ظالم لمدة مئة عام "
ليكن سلاحنا مقاطعة الشراء فقط و الاضراب عن العمل ان امكن و لا يتجاوز ذلك هذه الحدود حتى يأمن كل على ما يملك و تأمن مصر خطر الاضراب و اضحاف الجبهة الداخلية و لنهب بكل طوائفنا في وجه تجار و رجال اعمال يتاجرون بقوت الشعب و يثرون على حساب الشعب .. بل على جثته
تضامنا مع دعوتك يادكتور محمد
أنا قررت انى هعتصم انا كمان
وافصل النت يوم 6 ابريل
بتضحكوا على ايه , والله انا بتكلم جد ومش بهذر
ميرسي قوي علي تلبية الدعوه بتاعتي يابوسي وربنا يوفقك دايما وتحققي كل اللي بتحلمي بيه...بس خليكي فاكره ان انا مطلبتش من حد يفصل النت بتاعه...بس علعموم براحتك...انتي اللي اخترتي...اتمني لك التوفيق دائما
د/محمد عبد الرحمن المتولي
يارب تعمل حاجه الفكره دى يارب
وتكون نتيجتها ايجابيه يارب
تفاءلوا بالخير تجدوه ،،،،
بس الصورة حقيقي معبرة جدا
إرسال تعليق